What is going on?

Nu kana mein special-toast ausprobiert? Netamoi a kommentar hobtsma gschriem und i hob mi so bemüht :( Na guad, daun hoid net *ijetztspinnadua*

Hallo,

gfrei mi scho auf nächste Wochn! Schaun ma uns amoi Fluch der Karibik III au? Viel. Montag oda so, do san jo nu olle dahoam, oda?

Lg Kathrin

Hallo meine Freunde! *gg*

Jetzt in 2 Togn, steig i woascheinli scho in Fliega ei und dan san meine Tage ois Au Pair vorbei! Juhu!!!

Aum Saumstog homma scho amoi mein Obschied gfeiert. :) De Katarina hod naemli ihrn reichn Bekauntn augruafn, ob er ned mid uns foatgeh mecht. und er hod god sei daunk jo gsogt, wei normalerweise zoit der imma ois. Und er hots a echt dau. Er hod uns sogoa von daham okoid in sein neichen blauen bmw. *gg* und daun a olle hamgfiat.
Jo, es woa oiso e gaunz sche fluessig und mia hods a voi daugt. Im O'Neills, do wo imma a Live Band spuet, hom de Maedels dem Saenger in da Pause an Zettl in d'Haund gem. und daun wias wieda augfaungt hom zum spuen, hod er a durchsoge fuer mi gmocht. Des hod mi echt voi gfreit. daham, wads vlt peinlich gwen, oba in englaund kennt mi jo sunst neamt. :)

Gestan aum Obend, is des Gostfamilie mit mir essen gaunga und moang geh i med de aundan nu amoi foat, wei do students night is.

Und aum mittwoch gehts daun e scho um 4/3 7 mit meina reise los. :D

BABA
Lg Gucki

Grias eich olle miteinaund!

So, jetzt kaun i endli a wieda moi wos schreibn. Des scheiss Internet in dera Bibliothek is in de letztn Wochn nia gscheit gaunga und mi hots andauernd aussighaut. :(

I hoff ba eich passt ois. Ba mir gibts net recht viel Neues. Am Sa woa i mit da Emma in da Stadt foat. Sie is naemli am So fia 3 Monate zruck noch England und wauns daun wieda kumt, bin jo i nimma do. Oiso haum ma Abschied gefeiert. Wir woan bis uma 7 in da Frua foat und daun san ma no zum Starbucks fruehstueckn gaunga, oba koana hot so richti an Hunger ghobt. Irgendwaun amoi zwischn 9 und 10 woa i daun daham. In gaunzn So is ma natirli "blendend" gaunga. Heit bin i oba wieda so ziemli guad drauf. Tjo, jetzt bin i wieda alane :(

Am 1. Juni foa i wieda weg. Do hob i naemli 4 Tog frei und do foa i noch Whitianga im Coromandel. Des is ca. 3 Autostundn entfernt. Dort sois anscheinend voi schen sei, voi des Surferparadies. Najo, hoffentli is schens Wetter.

Najo, des woas a scho wieda. I wuensch eich jetzt scho moi voi vue Spass beim Pfingstfest. Trinkts a poa fia mi mit. Und a vue Spass beim Klassentreffen am 1. Juni.

Baba, glg und bussi