What is going on?

Oiso, i schreibs hoid in Blogger a nu amoi eini, für de des nu ned wissn! *gg*

I hob vorige Wochn a E-Mail vom Beasteaks Streatteam kriagt:
"Die Beatsteaks, haben sich entschlossen, unter Euch fleißigen Streetteamern Karten zu verlosen:
- 10 x 2 Karten für die „MTV Allstars“ am 31. Oktober im Circus Krone zu München
- Eine Handvoll Karten für das „DASDING“-Radiokonzert am 03. November im KUZ zu Mainz

Wer ein Paar dieser Karten abgreifen will, der schicke mir für München bis zum 26. Oktober 14:00 Uhr und für Mainz bis zum 29. Oktober eine Mail mit „Streetteam MTV“ bzw. „Streetteam DasDing“ an meine Mailadresse. Bitte gebt Eure Adresse und den Namen Eurer Begleitung an!"

Guad i übaleg wieda ned laung und schreib hoid a E-Mail zruck, dass I für München gern Koatn gwinga wü. Hob mei Ehefrau ois Begleitung augebn und weg woa as E-Mail.

I hob noch dem echt übahaupt nimma aufdocht, dass i do mit dau hob. Aum Saumstog Obend hob i mi wieda amoi dazua entschlossn in Computer einzuschoitn. Guad, I schau ins Outlook, ruaf de neichn E-Mails o und hob fost an Nervenzusammenbruch erlitten.
Natirli hob i 2 Koatn für München gwunga! I hob goa ned damit grechnet und geplant hob i jo nu weniga kobt. Sie homma gschriem, dass se de Koatn scho weggschickt hom.
Guad, aum Anfang hob i ma e docht, dass des e nie wos wiad, oba daun hob i aum Montog in da Oabeit gfrogt, ob i aum Mittwoch ned fria geh kunt, oda hoid frei hom kunt und des is gaunga.

Gestern daun hob i e scho Panik kriagt, wei de Koatn nu ned kuma san, oba i hob ma docht, dass de hoid heite kuma werdn. Guad, i kim aum Obend ham und kane Koatn woan do! :(
Daun hob i e glei ins Outlook gschaut. Do homs ma e scho gschriem, dass de Post ned bis Mittwoch schafft und, dass i mi bei erna rian soid.
I hob daun glei de Tanja in Berlin augruafn, wos ma jetzt duan soin. Und sie hod ma gsogt, dass da Torsten mit noch München gnuma hod und, dass i erm daun auruafn soid, waun a in München glaundt is. So, I bin fost durchdrat (na, i bin durchdrat!!!), wei i ned gwusst hob wecha Torsten des jetzt is, wei da Bassspieler hast jo a Torsten.

Jetzt hob i erm daun um 5i augruafn und i soi erm daun hoid wieda auruafn, wenn ma vor da Halle san, daun schaud er, dass a gschwind aussa kimt und uns de Koatn gibt.
I hobs jetzt oba ned wirkli erkenna kenan ob des jetzt DER Torsten woa, oda ned. Oba des werd i daun moagn seng, waun er daun aussa kimt.

Oba voiiiiii liab von erna, dass de Koatn mitgnuma hom. Jetzt mog de Beatsteaks nu vü, vü mehr (waun des übahaupt geht).

Jo und moang zMittog mochn uns Birgit und i aufn Weg noch München! As 1. moi in München!!! Juhu!!!

Ajo, neben den Besteaks spün nu de Sportfreunde, Maximo Park und Babyshambles!

Guad, bin neigirig, wer den laungen Eintrog bis zu Ende lest! *gg*

Vlt sechts uns jo in de Mtv News, wie ma si grod in Joko oda in Markus Kavka aufreissn. :D

So, des woan meine News!!!

Lg
Gucki