What is going on?

grias eich olle mitanaund!

Oiso ihr werds es ned glaum i hob a orbeit, und genau vo do schick i a grod an beitrog, jojo
oiso des unternehmen ist de Firma Triton Unternehmensberatung GmbH am Hietzinger Kai oiso glei ba da braunschweiggasse U4, do bin i jetzt seit dienstog oiso do hot de einschulung aungfaungen und heit bin i scho allane weu mei vorgängerin auf urlaub is un de is daun nur mehr bis dienstog do und des hast i muas ma heit olle frogn wos san notieren, weil i do daun total allane bin im büro. eigentli hob i glaubt dass i a laungsaume einschulung hob oba najo, wauns so is wia heit daun gehts weu es is nix zum duan,

meine aufgoben san, hotels buchen, flüge buchen, de mitorbeiter benochrichtigen vor allem de chefs weil de san eigentli de meiste zeit unterwegs und de brauchen ihre codes für de hotels und flüge, rechnungen eingeben und überweisen, schreiben natirli a, spesen verrechnen (hilfe) voi schwierig und was ned so recht wia, bestellungen mochen, telefonieren, jo sekretärin hoid, oba i glaub gaunz ok,
waun i mi moi eingeorbeitet hob is ka hexarei mehr glaub i

nur des is so org, jetzt san nu mehrere leit in da firma weil do nu de 2. firma herinnen is und de siedelt um im juli und ob daun bin i oft komplett allane, weil a de 3 chefs voi oft auf reisen san, is des ned org?

voi auf mi allane gstöd oba i glaub waun i des ois kau daun fül i mi boid voi woi.

najo woit i eich nur moi berichten!

lg tina

nachdem Birgit und I endli amoi zum Nova Rock kuma san und an passenden Parkplotz (hättn wia docht) gfundn hom, homma si nur mit den Nötigsten zum Campingplotz aufgmocht. Es woa echt a Wahnsinn, wie weit der Campingplotz vom Parkplotz entfernt woa!!! Noch zick Pausen homma samma daun endli amoi zu unsan Zötplotz kuma. Dort homma daun gschwind Zöt aufgstöd und an Radler drunkn. Nochdem homma wieda zum Auto geh miassn, wei ma jo irgendwos zum Essen und Trinken a brauchen. Guad, desmoi hod uns d'Lisa a begleitet, wei jo ihr Zeig a nu in da Birgit ihrn Partyauto woa. Um 11i homma unsan Zötplotz valossn und um 2 samma wieda zruck kuma. Des woa anfoch soooooooo ein Wahnsinn!!! Wir hom uns owigschleppt, dass ärger nimma geht. D'Birgit hod des daun e scho nur mehr lustig gfundn. I hob des natirli ned so gseng, wei i scho so fertig woa, dass lustig a nimma woa. Najo, daun noch 3 Stund woa daun ois amoi fertig und wia hom uns in mei Vorzöt gsetzt und daun is nu de Mödung des Tages, na bessa vom gaunzn Nova Rock, kuma. Wia (Birgit, Lisa u I) sitztn voi fertig oba erleichtert im Vorzöt – schaut d'Alex eina und sogt:"Warum hobtsn so laung braucht? Woa a Stau oda so?" Do wad i daun scho fost a bissi auszuckt. D'Lisa hods ihr oba daun e erklärt, warum ma so laung braucht hom.
Guad, as Nova Rock hod oiso scho amoi guad augfaungt. Es hod oiso nur mehr bessa werdn kena.

FREITOG
Noch an guadn Frühstück und an Besuch ba da Wossastelle, homma sche laungsaum zum Trinken augfaungt. I glaub, do homma Frizzante trunkn. D'Alex is nebn uns a imma umadum kugelt. *gg* (so schlimm woas a wieda ned) Wei ihr is jo vom Vortog ned so guad gaunga. Während wir scho gschlofn hom, hod d'Alex so vü Spaß kobt, dass aun de restlichen Togn nix mehr trunkn hod. ;)
Nochdem hom si daun Birgit, Lisa u I mit unsare Campingsessl, Vodka und Orangensoft zum Tobi aufgmocht. Wei der hod an bessan Zötplotz kobt. Der woa glei bam Eingaung zur Blue Stage. Doat homma daun kocht und weida trunkn. ( I zumindest)
Daun is aufgaunga zu Johnosssi. Birgit und Lisa hom sis daweu bam Zaun gemütlich gmocht (gemütlich? in da ärgstn Hitz!!!) und I hob mi natirli in die Menge gestürzt (a bissi übatriebn, oba es hert si guad au). I hobs genossn, hob mitgsunga und mittaunzt. Da Sänga woa natirli e wieda voi arrogant, oba Schweden derfn des jo.
Noch denan is daun wieda zruck zum Tobi gaunga. Nochdem ma si daun Papa Roach auf da Red Stage augschaut hom, is zur Blue Stage gaunga, wo The Hives scho auf uns gwoat hom. *gg* OIDA!!! De woan echt soooooooo supa. Sie woan so lustig und hom so gaud gspüt. Oiso, mia hom de voiiiiii daugt.
Noch TheHives san daun Incubus kuma. Sie woan auf jeden Foi bessan ois aum Frequency. Da Sänga hod sogoa g'locht!!! Und des losst jo glei olle Herzen höher schlong!!!!!!
Noch Incubus is oba ins "Bett" gaunga, wei ma olle scho ziemli miad woan und da Birgit is a schlecht gaunga. Jetzt homma leida Billy Talent verpasst. Und des hod uns daun in de nextn Tog e augfeut. Und mi feuts a grod au, wie jetzt spüns grod a Liad von erna aum MTV. Oba sie kuman jo zum Frequency und vlt samma jo duat a wieda.

SAMSTAG
Da Tog hod so begonnen wie da Freitog. Oiso, richtig gmiatlich. Samstog woa übahaupt da beste Tog, find i. Wei wia woan olle ausgschlofn und da Wind is a gaunga, desweng woas a ned so oag haß.
Wia hom sie um 4i glaub i zur Blue Stage aufgmocht, wei wia woitn jo bei Linkin Park scho vorm 1. Wellnbrecha steh. Um 5i is daun Sunrise Avenue kuma. Und de woan de Überraschung für mi aufn Nova Rock. Da Fabian hod ma e gsogt, dass i mas auschaun soid und d'lisa woits jo, glaub i, a seng. Oba i hob ma hoid docht, dass de so a Ö3-Band sei werdn. Oba de woan echt voiiiiiiiii supa!!!!!!!! Des hätt i ma nie docht. I hob zwoa nur a Liad kennt, oba sie hom hoid anfoch a Stimmung a gmocht. Und da Sänga hod eigentli a vü gredt mid uns. 
Bei Frank Black samma daun nur sitzn bliem. Für de woa leida as foische Publikum do. De woan echt a schas.

FORTSETZUNG FOLGT (30 Seconds to Mars, Linkin Park, Sonntog)

Aloha olle miteinaund!

I hoff, ihr hobts eicha Nova-Rock-WE so hoibwegs guad umibrocht. Glaub oba scho, waun i ma so den ersten Review durchles.

Tjo, i bereit mi scho langsam auf meine Heimreise vor, san jo nur mehr 6 Wochen. Hob scho einige Sochn weggschmissn und meine gaunzn Sommersochn und an Teil der Souvenire hob i scho a scho hamgschickt. Ba uns is jetzt scho voi der Winter, gfrei mi scho richtig auf des woame Wetter daham. Ba uns im Haus is jeda irgendwia krank. De Kids haum beide an Husten, die Suzie hot Hoisweh, i hob an Schnupfen und da Davin hot ois miteinaunda.

Am Sa geh i des letzte Moi do in Howick foat, des darauffolgende WE bin i jo scho untawegs noch Rotorua, wo i daun 1 Woche bleib. Danoch muas i daun no moi fia 3-4 Tog oabeitn und daun san auch meine Tage ois Au-Pair vorbei und i bin nur mehr Tourist. :)

Najo, sunst gibts eigentli koane Neuigkeiten meinerseits. Wuensch eich no a schene Wochn.

Glg und bussis