What is going on?

Hey meine süßen!!

Hab ma dacht i tua eich wieder moi updaten wos mi betrifft!! Also i hab letzte woche de note von meiner Diplomprüfung erfahren und i hob mi voiiii gfreit weil i an 1er hob!! Ihr werds jeza sicher denken: maah, voi nix ungewöhnliches!! oba: i woa extrem glücklich weil i ma ned erwartet hab dass i an 1er hob!! und v.a. weil de note jo dann in meim diplomprüfungszeugnis steht!!

Jeza hab i erst amoi 2 monate ferien und i hoff, wir sehn uns in de 2 monate so oft wies geht!! Vlt freuts eich jo moi dass ma gemeinsam noch wien foan und fuatgengan, daun kinnts olle bei mir in da wohnung schlofn!! Auf jedn foi mias ma uns öfta sehn... Im Juli geh i jeza nu sporadisch oabein, oba i glaub im August eh nima. Wobei i do wahrscheinli mei Wohnung renovieren werd... Eventuell hättets ihr jo do zeit zum streichen, möbel zaumbaun, etc.. ? :)

Ansonsten duat si bei mir eh ned vü: mei schwester (dClaudia) hod scho voi den riesigen bauch, sie griagt jo im September ihr baby. Im Moment würd i grod gern eisessn geh oba irgendwie is a bisserl koid draußen!!

Naja, des wars schon wieder vo meiner seite... wenn eich fad is daun ruafts mi au oda dats smsen, weil i hob im moment e nix anderes zum tuan!!

Lg und bussal
Lisa

hallöchen!

Also ich find die idee von da lisa supsi, ach jo und gratuliere zum 1er lisa, echt cool.

Zruck zur idee vo da lisa, oiso mir tats a taugn waun ma moi in wien wos unternehmen datn, weu jetzt is im sommer des gratis kino im prota und am rothausplotz is voi fü los, voi genial.

i hob des nämli am samstag am rathausplatz getestet und i muas sogn genial, do san olle länder mit de verschiedensten spezialitäten aufbaut und voi fü cocktails und trangln. ned amoi so teier sog i moi.

und des gratis kino im prota is a ned so schlecht wor i gestern schauen wia de qualität so is.

na oba ehrlich, so a girlieobend hätt scho moi wos.

najo daun wünsch i eich nu a schene wochn.

lg tina